Hay, Tigulang na gid ko

July nanaman.

Mabertday nanaman ko.

Sang una, wala pa July super sadya na ko kay bal-an ko nga lapit nalang ko gaan regalo. Lapit nalang si Mami mamutos sang mga dulsi nga ipanagtag sa akon mga kasmeyt. Lapit nalang, may karapatan nanaman ako manuktok sa gate sang akon maninay para mangayo pabertday. Ngaa bala kung bata ka pa daw katawhay kag kasimple gid sang world? Miskin ikaw lang may bertday, daw feeling mo Christmas?

Pero subong, gasakit ulo ko pinanumdum nga bertday ko nanaman dugay-dugay. Diin nagkadto akon kabuhi ngaa bertday ko nanaman yah!? Daw last year malang ko nagbertday, ngaa bertday ko nanaman yah?! Ngaa kung nagatigulang ka na daw nagasum-od ang world haw?

Hambal sang iban ko nga mga friends, soulmate ko gd kuno akon migo kay lapitay kami bertday. Pareho kami Cancer. Mga alimango nga tagilid kung maglakat. kapal-muks kay matig-a ang panit. Kinanlan buk-on ang matig-a para makita kung ano kami kahumok sa sulod. Mahilig magkamang-kamang kag magkut-kot sang balas sa baybay. Gapangagat kung akig. Gapataas altapresyon.

Pero, ang alimango, namit, diba?
Sang ginaistoryahan namun sang migo ko kung paano kami macelebrate sang amon bertday, tingala ko daw nasadyahan siya ya. Hambal nila ang mga lalaki, daw Adobo. Habang gadugay, nagasaboroso pa gid. Pero ang mga babaye kuno daw langgaw nga ginapa-initan. Habang gadugay, naga-aslum pa gid!

HAI, DAW KA-UNFAIR MAN SINA?!

Sin-o nga genius ang naghambal sina kay ipapaltak ta liwat!

Hindi pa ko ya gusto mag-aslum! Kag ano nagapanamit sa adobo haw?! Langgaw di balah!?

MGA TIKALON KAMU!

Andaman niyo lang!

…

Shet! amu na ang aslum?!

Dapat SWEET para hindi mag-aslum. Dapat SWEET para miskin mag-aslum, Sweet and Sour gwa niya. Namit gihapon.

Shet… buang na gd ko yah.

Fruitcake.

Fruit salad.

Halo-halo.

Lumpia Shanghai.

Samuryakot ang sahog.

Sala sa Init. Sala sa Lamig.

Hot and cold.

Daw pinirito nga turon ginpatungan ice cream.

Ini ang buang nga gutom.

BOW!

July 2009